Pulmovis është një produkt me origjinë bimore me veprim ekspektorant. Efekti i tij vjen nga kombinimi sinergjik i substancave aktive në ekstraktet bimore. Ekstraktet e rrënjës së Althaea officinalis dhe gjetheve të Thymus vulgaris kanë veprim mukolitik dhe mukokinetik, duke holluar dhe lehtësuar largimin e sekrecioneve bronkiale. Ekstraktet e Grindelia-s, Althaea-s, Plantago-s dhe Thymus-it përmbajnë vajra esencialë që stimulojnë ciliet e epitelit të rrugëve të frymëmarrjes, me efekte ekspektorante, antibakteriale dhe anti-inflamatore. Grindelia dhe Thymus shfaqin gjithashtu veprim spazmolitik në muskulaturën e lëmuar bronkiale, duke lehtësuar frymëmarrjen. Ekstrakti i rrënjës së Althaea kontribuon me efekt të ngjashëm me surfaktantin, si edhe veprim mukolitik dhe anti-inflamator. Ndërkohë, Abies alba dhe gjethet e Eucalyptus furnizojnë vajra esencialë dhe vitamina natyrale me rol imunostimulues, të dobishme gjatë episodeve respiratore.

 5 ml shurup përmbajnë:

• Grindelia (Grindelia robusta Nutt.), lulet – 10 mg
• Althaea officinalis L., rrënjë – 10 mg
• Abies alba Mill., kone – 10 mg
• Plantago major L. (plantain), gjethe – 10 mg
• Pinus sylvestris L., vaj esencial – 6,6 mg
• Thymus vulgaris L., gjethe, ekstrakt i thatë – 3,3 mg
• Eucalyptus globulus Labill., vaj esencial – 1,65 mg

Ekscipientë: fruktozë; ujë; stabilizues: glicerinë; rregullues i aciditetit: acid citrik; emulsifikues: esteret e saharozës të acideve yndyrore; konservues: kalium sorbat, natrium benzoat; trashës: ksantan

• Sëmundjet inflamatore dhe jo-inflamatore të traktit respirator
• Bronkiti akut dhe kronik
• SPOK (Sëmundja pulmonare obstruktive kronike)
• Astmë bronkiale
• Sëmundjet infektive të traktit të sipërm respirator
• Pneumoni
• Laringit
• Faringit
• Trakeobronkit

Merreni pas vakteve. Mund të shfaqen reshje (precipitat) për shkak të përbërësve natyralë, pa kompromentuar cilësinë e produktit.
Tundeni mirë para çdo përdorimi.

Dozimi sipas moshës:

• Fëmijët 0–1 vjeç: ½ lugë çaji (2.5 ml), 1–2 herë në ditë
• Fëmijët 1–3 vjeç: ½ lugë çaji (2.5 ml), 2–3 herë në ditë
• Fëmijët 3–6 vjeç: 1 lugë çaji (5 ml), 1–2 herë në ditë
• Fëmijët 6–12 vjeç: 2 lugë çaji (10 ml), 1–2 herë në ditë
• Fëmijët >12 vjeç dhe të rriturit: 2 lugë çaji (10 ml), 2–3 herë në ditë

Nuk janë raportuar efekte anësore të lidhura me përdorimin e këtij produkti. Shmangeni nëse keni mbindjeshmëri ndaj një ose më shumë përbërësve të tij.

Shurup, 150 ml.